கிருஷ்ணகிரி அருகேமோட்டார் சைக்கிளில் இருந்து தவறி விழுந்து சட்டக்கல்லூரி மாணவர் சாவு

கிருஷ்ணகிரி:

கிருஷ்ணகிரி அருகே மோட்டார் சைக்கிளில் இருந்து தவறி விழுந்து சட்டக்கல்லூரி மாணவர் இறந்தார்.

சட்டக்கல்லூரி மாணவர்

கிருஷ்ணகிரி சாந்தி நகர் பகுதியை சேர்ந்தவர் கோவிந்தராஜூலு. இவர் கிருஷ்ணகிரி வழக்கறிஞர்கள் சங்க தலைவராக உள்ளார். இவருடைய மகன் விஜய்தேவ் குரு (வயது 24). இவர் பெங்களூருவில் உள்ள சட்டக்கல்லூரியில் படித்து வந்தார். இவர் நேற்று மோட்டார் சைக்கிளில் கிருஷ்ணகிரி- சேலம் சர்வீஸ் சாலையில் சென்று கொண்டிருந்தார்.

விசாரணை

அப்போது எதிர்பாராதவிதமாக அவர் நிலைதடுமாறி மோட்டார் சைக்கிளில் இருந்து தவறி கீழே விழுந்தார். இதில் படுகாயம் அடைந்த அவர் சம்பவ இடத்திலேயே இறந்தார். தகவல் அறிந்து சம்பவ இடத்துக்கு சென்ற கிருஷ்ணகிரி தாலுகா போலீசார் விஜய்தேவ் குருவின் உடலை கைப்பற்றி பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர். இதுகுறித்து கிருஷ்ணகிரி தாலுகா போலீசார் வழக்குப்பதிவு செய்து விசாரணை நடத்தி வருகின்றனர்.