தேவதானப்பட்டி மூங்கிலணை காமாட்சி அம்மன் கோவிலில்மாசி மகா சிவராத்திரி திருவிழா: இன்று தொடங்குகிறது

தேவதானப்பட்டியில் மூங்கிலணை காமாட்சி அம்மன் கோவில் உள்ளது. இந்த கோவில் தென் மாவட்டங்களில் மிகவும் பிரசித்தி பெற்றதாகும். இங்கு சிலை இல்லை. அடைக்கப்பட்ட குச்சு வீட்டில் கதவிற்கு தான் பூஜை நடைபெறுகிறது. ஆண்டுேதாறும் இந்த கோவிலில் மாசி மகா சிவராத்திரி திருவிழா வெகு விமரிசையாக நடைபெறும். அதன்படி இந்த ஆண்டு திருவிழாவிற்காக கடந்த மாதம் 28-ந்தேதி கொடியேற்றப்பட்டது. இதையடுத்து திருவிழா இன்று (சனிக்கிழமை) தொடங்குகிறது. இந்த திருவிழா வருகிற 25-ந்தேதி வரை நடைபெறும். இதற்காக தேனி, திண்டுக்கல் மாவட்டங்களில் இருந்து சிறப்பு பஸ்கள் இயக்கப்படும். விழாவிற்கான ஏற்பாடுகளை செயல் அலுவலர் மற்றும் பரம்பரை அறங்காவலர்கள் செய்து வருகின்றனர்.