ஆரம்பப்பள்ளி ஆசிரியர்கள் தர்ணா போராட்டம்

தமிழ்நாடு ஆரம்பப்பள்ளி ஆசிரியர் கூட்டணியின் சார்பில் சி.பி.எஸ்.திட்டம் ரத்து, இடைநிலை ஆசிரியர் ஊதிய முரண்பாடு, உயர்த்தப்பட்ட 4 சதவீத அகவிலைப்படி உள்ளிட்ட கோரிக்கைகளை வலியுறுத்தி மாநிலம் முழுவதும் நேற்று தர்ணா போராட்டம் நடைபெற்றது. திருச்சி மாவட்ட கிளை சார்பில் மாவட்ட கலெக்டர் அலுவலகம் அருகே நடைபெற்ற போராட்டத்துக்கு மாவட்ட தலைவர் பீட்டர் மைக்கேல்ராஜ் தலைமை தாங்கினார். மாவட்ட செயலாளர் ஆரோக்கியராஜ் வரவேற்றார். மாநில செயலாளர் சகிலா சிறப்பு அழைப்பாளராக கலந்து கொண்டு பேசினார். கொட்டும் மழையையும் பொருட்படுத்தாது, போராட்டத்தில் சங்க நிர்வாகிகள் கலந்து கொண்டு கோரிக்கைகளை வலியுறுத்தி கோஷங்களை எழுப்பினார்கள்.