விபத்தில் சலூன் கடைக்காரர் பலி

வெண்ணந்தூர்:

வெண்ணந்தூர் அடுத்த கீரனூர் பகுதியை சேர்ந்தவர் முருகேசன் (வயது 53). இவர் மல்லூர் பகுதியில் சலூன் கடை வைத்திருந்தார். இவர் நேற்று காலை சேலம்- நாமக்கல் தேசிய நெடுஞ்சாலையில் தனது மொபட்டில் சென்று கொண்டிருந்தார். அப்போது மல்லூர் அருகே உள்ள வலசு பகுதியில் சாலையை கடக்க முயன்றபோது, சேலம் நோக்கி சென்ற சரக்கு வாகனம் மொபட் மீது மோதியது. இதில் பலத்த காயமடைந்த முருகேசன் சம்பவ இடத்திலேயே இறந்தார். தகவல் அறிந்து சென்ற வெண்ணந்தூர் போலீசார் உடலை மீட்டு பிரேத பரிசோதனைக்காக ராசிபுரம் அரசு மருத்துவமனைக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.