மோட்டார் சைக்கிள் மீது வாகனம் மோதி வாலிபர் பலி

ஓசூர்:

ஓசூர் எஸ்.எல்.வி. லேஅவுட் பகுதியை சேர்ந்தவர் ஸ்டீபன் வசந்தகுமார் (வயது 32). இவர் ஓசூரில் உள்ள தனியார் நிதி நிறுவனத்தில் ஊழியராக பணியாற்றி வந்தார். இவர் கடந்த 30-ந் தேதி இரவு மோட்டார் சைக்கிளில் கிருஷ்ணகிரி- ஓசூர் சாலையில் காமன்தொட்டி பாலம் அருகில் சென்று கொண்டிருந்தார். அப்போது அந்த வழியாக சென்ற வாகனம் ேமாட்டார் சைக்கிள் மீது மோதிவிட்டு நிற்காமல் சென்று விட்டது.

இந்த விபத்தில் படுகாயம் அடைந்த ஸ்டீபன் வசந்தகுமார் சம்பவ இடத்திலேயே பலியானார். இந்த விபத்து குறித்து தகவல் அறிந்ததும் சூளகிரி போலீசார் சம்பவ இடத்திற்கு சென்று உடலை கைப்பற்றி பிரேத பரிசோதனைக்காக ஓசூர் அரசு ஆஸ்பத்திரிக்கு அனுப்பி வைத்தனர்.