தினத்தந்தி புகார் பெட்டி: மக்கள் குறைகள் தொடர்பான பதிவுகள்

சேதமடைந்த சாலை

சிவகங்கை மாவட்டம் திருப்பத்தூர் பகுதியை சுற்றியுள்ள பகுதிகளில் ஒரு சில இடங்களில் சாலை சேதமடைந்து குண்டும் குழியுமாக காட்சியளிக்கிறது. இதனால் இந்த பகுதியில் உள்ளவர்கள் சிரமப்படுகின்றனர். எனவே இந்த பகுதியில் சேதமடைந்துள்ள சாலைகளை சீரமைக்க அதிகாரிகள் நடவடிக்கை எடுக்க வேண்டும். பொதுமக்கள், திருப்பத்தூர்.

தெருநாய்கள் தொல்லை

சிவகங்கை நகர் மற்றும் புறநகர் பகுதிகளில் நாய்கள் தொல்லை அதிக அளவில் உள்ளது. இதனால் இந்த பகுதியில் உள்ளவர் வீட்டை விட்டு வெளியே வர அச்சப்படுகின்றனர். எனவே நாய்கள் தொல்லையை கட்டுப்படுத்த அதிகாரிகள் நடவடிக்கை எடுக்க வேண்டும். பொதுமக்கள், சிவகங்கை.

போக்குவரத்து நெரிசல்

சிவகங்கை மாவட்டம் தேவகோட்டை நகரின் மையப் பகுதியான தியாகிகள் ரோடு, சரஸ்வதி வாசகசாலை, திருப்பத்தூர் ரோடு சந்திப்பில் போக்குவரத்து நெரிசலாக உள்ளது. இதனால் பள்ளிக்கு செல்லும் நேரத்தில் மாணவர்கள் பெரிதும் சிரமப்படுகிறார்கள். எனவே அந்த இடத்தில் தானியங்கி சிக்னல் அமைத்து போக்குவரத்து நெரிசலை குறைக்க நடவடிக்கை எடுக்க வேண்டும்.

அஜிஸ்கான், தேவகோட்டை.

அடிக்கடி ஏற்படும் மின்தடை

சிவகங்கை மாவட்டம் திருப்புவனம் தேர்வுநிலை பேரூராட்சியில் அடிக்கடி மின்தடை ஏற்படுகிறது.இதனால் இந்த பகுதியில் வசிப்பவர்கள் மிகவும் அவதிப்படுகின்றனர். எனவே இந்த பகுதியில் சீராக மின்சாரம் வினியோகிக்க சம்பந்தப்பட்ட அதிகாரிகள் நடவடிக்கை எடுக்க வேண்டும். கார்த்திகேயன், திருப்புவனம்.

நடவடிக்கை எடுப்பார்களா?

சிவகங்கை மாவட்டம் வள்ளனேரி ஊராட்சி மேலவெள்ளஞ்சி கிராமத்தில் உள்ள கழிவு நீர் கால்வாயில் முறையான பாலம் மற்றும் வெளியேற்றம் செய்ய முறையான வழிமுறை செய்யவில்லை. இதனால் இந்த பகுதியில் மழை காலங்களில் மழைநீர் கழிவு நீராக தேங்கி கிடக்கிறது. இதனால் இந்த பகுதியில் உள்ளவர்கள் சிரமப்படுகின்றனர். எனவே இது குறித்து அதிகாரிகள் நடவடிக்கை எடுக்க வேண்டும்.

சண்முகத்துரை, மேலவெள்ளஞ்சி.