கரூரில், மாவட்ட அளவிலான கோடைகால பயிற்சி முகாம்: 1-ந்தேதி தொடங்குகிறது

ேகாடைகால பயிற்சி முகாம்

2023-ம் ஆண்டிற்கு தமிழ்நாடு விளையாட்டு மேம்பாட்டு ஆணையம், கரூர் மாவட்டத்தின் சார்பில் மாவட்ட அளவிலான இலவச கோடைகால பயிற்சி முகாம் கரூர் மாவட்ட விளையாட்டு அரங்கத்தில் வருகிற 1-ந்தேதி முதல் 15-ந்தேதி வரை 15 நாட்களுக்கு காலை 6.30 மணி முதல் 8.30 மணி வரையிலும், மாலை 4.30 மணி முதல் 6.30 மணி வரையிலும் தடகளம், கூடைப்பந்து, கால்பந்து, வளைகோல்பந்து, கையுந்துபந்து, மல்யுத்தம் மற்றும் ஜூடோ ஆகிய விளையாட்டுகளுக்கு நடைபெற உள்ளது.

இப்பயிற்சியில் கலந்து கொள்ளும் மாணவர்கள் மற்றும் மாணவிகளுக்கு தமிழ்நாடு விளையாட்டு மேம்பாட்டு ஆணையம் நடத்தும் விளையாட்டு விடுதியில் சேர்வதற்கான அறிவுரை மற்றும் ஆலோசனைகள் வழங்கப்படும். மேலும் பயிற்சி முகாமில் கலந்து கொள்ளும் அனைவருக்கும் சான்றிதழ் வழங்கப்படும்.

பெயர்களை பதிவு செய்து கொள்ளலாம்

தகுதியின் அடிப்படையில் தேர்வு செய்யப்படுபவர்கள் விளையாட்டு விடுதியில் சேருவதற்கு பரிந்துரை செய்யப்படும். எனவே இந்த பயிற்சி முகாமில் கரூர் மாவட்டத்தில் உள்ள அரசு உயர்நிலைப்பள்ளி, மேல்நிலைப்பள்ளி, மெட்ரிக் பள்ளி, நடுநிலைப்பள்ளிகளில் பயிலும் மாணவர் மற்றும் மாணவரல்லாத மாணவர்கள் மற்றும் மாணவிகள் விளையாட்டில் ஆர்வமுள்ளவர்கள் கலந்து கொள்ளலாம்.

பயிற்சி முகாமில் கலந்து கொள்பவர்கள் தங்களது பெயர்களை 21-ந்தேதி முதல் அலுவலக வேலை நேரங்களில் காலை 10 மணி முதல் மாலை 5 மணி வரை நேரடியாவோ அல்லது இமெயில் (அல்லது) தொலைபேசி வாயிலாகவே பெயர்களை முன்கூட்டியே பதிவு செய்து கொள்ளலாம் என கலெக்டர் பிரபுசங்கர் தெரிவித்துள்ளார்.