தீபாவளி சீட்டு நடத்தி பணமோசடி; பெண் கைது

வாடிப்பட்டி

சமயநல்லூர் அருகே தீபாவளி சீட்டு நடத்தி பணத்தை ஏமாற்றிய பெண் கைது செய்யப்பட்டார்.

தீபாவளி சீட்டு

மதுரை மாவட்டம் சமயநல்லூர் அருகே பரவை சங்கன்கோட்டை தெருவை சேர்ந்தவர் கஸ்தூரி(வயது 44). இவர் அந்த பகுதியில் உள்ள பொதுமக்களிடம் தீபாவளி சீட்டு நடத்துவதாக தெரிவித்துள்ளார்.

இதன்படி சீட்டு நடத்தி கடந்த 4 ஆண்டுகளாக 50-க்கும் மேற்பட்டவர்களிடமிருந்து தீபாவளி பண்டு சேர்த்து திரும்ப கொடுத் துள்ளார்.

கைது

இதனால் பரவையை சேர்ந்த 15 பேர் அன்னபூரணி (59) என்பவர் மூலம் சீட்டு கட்டி ரூ.3.57 லட்சம் கஸ்தூரியிடம் கொடுத்துள்ளனர். அதன் பின் தங்களது தவணை காலம் முடிந்ததும் பணத்தை திரும்பி கேட்டுள்ளனர். ஆனால் கஸ்தூரி திரும்ப தருவதாக கூறி காலம் கடத்தி வந்தார்.

இந்தநிலையில் கடந்த 9-ந்தேதி வீட்டை பூட்டிவிட்டு தலைமறைவாக சென்று விட்டார். இது சம்பந்தமாக அன்னபூரணி கொடுத்த புகாரின் பேரில் சமயநல்லூர் போலீஸ் இன்ஸ்பெக்டர் ஆனந்தி, சப்-இன்ஸ்பெக்டர் கேசவ ராமச்சந்திரன் ஆகியோர் வழக்கு பதிவு செய்து கஸ்தூரியை கைது செய்தனர்.