தி.மு.க. தொகுதி பார்வையாளர்கள் ஆலோசனை கூட்டம்: 31-ந் தேதி நடைபெறுகிறது

சென்னை,

தி.மு.க. வெளியிட்டுள்ள செய்திக்குறிப்பில் கூறப்பட்டிருப்பதாவது:-

தி.மு.க. தலைவரும், முதல்-அமைச்சருமான மு.க.ஸ்டாலின் அறிவுறுத்தலின்படி கட்சியால் நியமிக்கப்பட்ட தொகுதி பார்வையாளர்கள் ஆலோசனை கூட்டம் வருகிற 31-ந் தேதி (வெள்ளிக்கிழமை) மாலை 5 மணிக்கு கட்சியின் அமைப்பு செயலாளர் ஆர்.எஸ்.பாரதி தலைமையில் காணொலி காட்சி வழியாக நடைபெறும்.

இந்த கூட்டத்தில் பூத் கமிட்டி அமைத்தல், புதிய உறுப்பினர்கள் சேர்த்தல் உள்ளிட்ட பணிகள் குறித்து சட்டத்துறை செயலாளர் என்.ஆர்.இளங்கோ ஆலோசனை வழங்குகிறார்.

இவ்வாறு அதில் கூறப்பட்டுள்ளது.