தி.மு.க. உறுப்பினர் சேர்க்கை முகாம்

சீர்காழி:

சீர்காழி அருகே கொண்டல் ஊராட்சியில் சீர்காழி மேற்கு ஒன்றிய தி.மு.க. சார்பில் புதிய உறுப்பினர் சேர்க்கை முகாம் நடந்தது. முகாமுக்கு ஒன்றிய கழக செயலாளர் பிரபாகரன் தலைமை தாங்கினார். ஒன்றிய துணை செயலாளர்கள் முருகன், சசிகுமார் ஆகியோர் முன்னிலை வகித்தனர். மாவட்ட கவுன்சிலர் விஜயேஸ்வரன் வரவேற்றார். புதிய உறுப்பினர் சேர்க்கை முகாமை சீர்காழி எம்.எல்.ஏ. பன்னீர்செல்வம், மன்னார்குடி நகர மன்ற தலைவர் சோழராஜன் ஆகியோர் தொடங்கி வைத்தனர். இதில் சீர்காழி நகரக்கழக செயலாளர் சுப்பராயன், தலைமை செயற்குழு உறுப்பினர் ராம.இளங்கோவன், ஊராட்சி மன்ற தலைவர் பெரியசாமி, ஒன்றிய பொருளாளர் இந்திஸ், மாவட்ட, நகர, ஒன்றிய, கிளைக் கழக நிர்வாகிகள் உள்ளிட்ட பலர் கலந்து கொண்டனர். முடிவில் முன்னாள் ஊராட்சி மன்ற தலைவர் சுந்தர்ராஜன் நன்றி கூறினார்.