மோட்டார் சைக்கிள் விபத்தில் டிரைவர் பலி

ஆம்பூர்

மோட்டார் சைக்கிள் விபத்தில் டிரைவர் பலியானார்.

ஆம்பூர் பெத்தலகேம் பகுதியைச் சேர்ந்தவர் ஸ்ரீராம் (வயது 29). டிரைவர். இவர் நேற்று முன்தினம் இரவு தனது மோட்டார் சைக்கிளில் ஆம்பூரில் இருந்து வேலூர் நோக்கி தேசிய நெடுஞ்சாலையில் சென்று கொண்டிருந்தார். அப்போது திடீரென எதிர்பாராத விதமாக மோட்டார் சைக்கிளில் இருந்து நிலை தடுமாறி கீழே விழுந்தார். இதில் ஸ்ரீராம் பலத்த காயமடைந்து சம்பவ இடத்திலேயே இறந்தார்.

தகவலறிந்த ஆம்பூர் டவுன் போலீசார் அங்கு வந்து ஸ்ரீராம் உடலை மீட்டு பிரேத பரிசோதனைக்காக ஆம்பூர் அரசு மருத்துவமனைக்கு அனுப்பி வைத்தனர். மேலும் விபத்து குறித்து விசாரணை நடத்தி வருகின்றனர்.