ஊட்டி கோர்ட்டில் இ-தாக்கல் மையம்

ஊட்டி

நீலகிரி மாவட்டம் ஊட்டியில் ஒருங்கிணைந்த மாவட்ட நீதிமன்ற வளாகம் செயல்பட்டு வருகிறது. இங்கு மையப்படுத்தப்பட்ட இ-தாக்கல் மையம் திறப்பு விழா நடைபெற்றது. இந்த மையத்தை மாவட்ட நீதிபதி அப்துல் காதர் தலைமை தாங்கி திறந்து வைத்தார். இந்த இ-தாக்கல் மையம் மூலமாக வக்கீல்கள் தங்களது வழக்குகளை https://efiling.ecourts.gov.in/tn என்ற இணையதளம் மூலம் தாங்கள் இருக்குமிடத்தில் இருந்தே மனு தாக்கல் செய்து கொள்ளலாம். மேலும் https://pay.ecourts.gov.in/epay மூலம் வழக்கிற்கான நீதிமன்ற கட்டணங்களை செலுத்தலாம். இந்த நிகழ்ச்சியில் நீதிபதிகள் ஸ்ரீதரன், ஸ்ரீதர், மோகன கிருஷ்ணன், தமிழினியன், நீலகிரி மாவட்ட சட்டப்பணிகள் ஆணைக்குழு செயலாளர் லிங்கம் மற்றும் வக்கீல்கள் சங்க தலைவர் மகாதேவன், செயலாளர் சிவக்குமார் உள்பட பலர் கலந்துகொண்டனர்.