நாமக்கல்:

நாமக்கல் மண்டலத்தில் முட்டை கொள்முதல் விலை 10 காசுகள் குறைந்து, 450 காசுகளாக நிர்ணயம் செய்யப்பட்டுள்ளது.

முட்டை கொள்முதல் விலை

நாமக்கல் மண்டலத்தில் முட்டை கொள்முதல் விலை 460 காசுகளாக இருந்து வந்தது. இந்தநிலையில் நேற்று நாமக்கல்லில் நடந்த முட்டை ஒருங்கிணைப்புக்குழு கூட்டத்தில் அதன் விலையை 10 காசுகள் குறைக்க முடிவு செய்யப்பட்டது. அதன்படி முட்டை கொள்முதல் விலை 450 காசுகளாக நிர்ணயம் செய்யப்பட்டது.

வடமாநிலங்களில் வெயிலின் தாக்கத்தால் முட்டை விற்பனை மற்றும் விலை குறைந்து உள்ளதாகவும், அதன் எதிரொலியாக நாமக்கல் மண்டலத்திலும் முட்டை விலை குறைக்கப்பட்டு இருப்பதாக கோழிப்பண்ணையாளர்கள் தெரிவித்தனர்.

கறிக்கோழி

நாமக்கல் மண்டலத்தில் கறிக்கோழி கிலோ ரூ.86-க்கு விற்பனை செய்யப்பட்டு வந்தது. இந்தநிலையில் நேற்று பல்லடத்தில் நடந்த கறிக்கோழி ஒருங்கிணைப்புக்குழு கூட்டத்தில் அதன் விலையை ரூ.9 உயர்த்த முடிவு செய்யப்பட்டது. இதனால் கறிக்கோழி விலை கிலோவுக்கு ரூ.95 ஆக உயர்ந்தது.

அதேபோல் முட்டைக்கோழி கிலோ ரூ.72-க்கு விற்பனை செய்யப்பட்டு வந்தது. நேற்று நாமக்கல்லில் நடந்த முட்டைக்கோழி ஒருங்கிணைப்பு குழு கூட்டத்தில் அதன் விலையை ரூ.5 குறைக்க முடிவு செய்யப்பட்டது. அதைத்தொடர்ந்து முட்டைக்கோழி விலை கிலோ ஒன்றுக்கு ரூ.67 ஆககுறைந்தது.