நாமக்கல் மண்டலத்தில் முட்டை கொள்முதல் விலை 470 காசுகளாக இருந்து வந்தது. இந்த நிலையில் நேற்று நாமக்கல்லில் நடந்த முட்டை ஒருங்கிணைப்புக்குழு கூட்டத்தில் அதன் விலையை 5 காசுகள் உயர்த்த முடிவு செய்யப்பட்டது. அதைத்தொடர்ந்து முட்டை கொள்முதல் விலை 475 காசுகளாக நிர்ணயம் செய்யப்பட்டது.

இதனிடையே கறிக்கோழி கிலோ ரூ.122-க்கு விற்பனை செய்யப்பட்டு வந்தது. இந்த நிலையில் நேற்று பல்லடத்தில் நடந்த கறிக்கோழி ஒருங்கிணைப்பு குழு கூட்டத்தில், அதன் விலையை ரூ.8 குறைக்க முடிவு செய்யப்பட்டது. இதையடுத்து கறிக்கோழி கிலோ ஒன்றின் விலை ரூ.114-ஆக ஆனது. மேலும் முட்டைக்கோழி கிலோ ரூ.86-க்கு விற்பனை செய்யப்பட்டு வந்தது. அதன் விலையில் மாற்றம் ஏதும் இல்லை என பண்ணையாளர்கள் தெரிவித்தனர்.