மதுரை: அரசு பஸ் மோதியதில் மூதாட்டி தலை நசுங்கி பலி..!

மதுரை:

மதுரை மாவட்டம் வாடிப்பட்டி அருகே மேட்டுநீரேத்தானை சேர்ந்தவர் ராஜேந்திரன் (வயது 68) பால் கறவையாளர் இவரது மனைவி பிச்சியம்மாள் (வயது 65). இவர் தனது மகன் கார்த்திக் உடன் மேட்டுநீரேத்தானிலிருந்து வாடிப்பட்டிக்கு இன்று காலை 10.15 மணிக்கு மொபட்டில் வந்தனர்.

அப்போது வாடிப்பட்டி வருவாய் ஆய்வாளர் அலுவலகம் முன்பு மதுரையில் இருந்து தேனி சென்ற அரசு பஸ் மோதியதில் மொபட்டில் இருந்து பேச்சியம்மாள் கீழே விழுந்தார். அப்போது அவர் மீது பஸ் சக்கரம் ஏறி இறங்கியதில் தலை நசுங்கி சம்பவ இடத்திலேயே உயிரிழந்தார்.

இது சம்பந்தமாக வாடிப்பட்டி போலீஸ் இன்ஸ்பெக்டர் கனகசபாபதி, சப்-இன்ஸ்பெக்டர் உதயகுமார் ஆகியோர் வழக்கு பதிவு செய்து விசாரித்து வருகிறார்கள்.