அடையாளம் தெரியாத வாகனம் மோதி முதியவர் சாவு

திருவையாறு

திருவையாறு- திருக்காட்டுப்பள்ளி சாலையில் சடையாண்டி தோப்பை சேர்ந்தவர் அலெக்சாண்டர் (வயது70). நேற்றுமுன்தினம் அதிகாலை இவர் வீட்டில் இருந்து சாலையோரம் நடந்து சென்று கொண்டிருந்தார். அப்போது எதிரே வந்த அடையாளம் தெரியாத வாகனம் எதிர்பாராதவிதமாக அலெக்சாண்டர் மீது ேமாதியது. இதில் சம்பவ இடத்திலேயே அவர் பரிதாபமாக இறந்தார். இதுகுறித்து அலெக்சாண்டர் மகன் ஜெயசீலன் (33) கொடுத்த புகாரின்பேரில் திருவையாறு போலீஸ் இன்ஸ்பெக்டர் சுப்பிரமணியன், சப்-இன்ஸ்பெக்டர்கள் அப்பர், செந்தில்குமார் ஆகியோர் வழக்குப்பதிவு செய்து விசாரணை நடத்தி வருகின்றனர். மேலும் அலெக்சாண்டர் உடலை போலீசார் கைப்பற்றி திருவையாறு அரசு ஆஸ்பத்திரிக்கு பிரேதபரிசோதனைக்கு அனுப்பிவைத்தனர்.