மோட்டார் சைக்கிளில் இருந்து தவறி விழுந்த முதியவர் சாவு

கண்டாச்சிமங்கலம்

தியாகதுருகம் அருகே கலையநல்லூர் கிராமத்தை சேர்ந்தவர் அய்யாசாமி(வயது 80). தொழிலாளியான இவர் நேற்று முன்தினம் தியாகதுருகம் வாரச்சந்தைக்கு சென்று விட்டு மீண்டும் வீடு நோக்கி நடந்து சென்று கொண்டிருந்தார். அப்போது அந்த வழியாக வந்த பீளமேடு பகுதியை சேர்ந்த குமார்(40) என்பவர் தனது மோட்டார் சைக்கிளில் அய்யாசாமியை ஏற்றிக்கொண்டு சென்றார். கலைநல்லூர் சாலையில் வந்தபோது மோட்டார் சைக்கிளை குமார் தாறுமாறாக ஓட்டியதாக கூறப்படுகிறது. இதனால் பின்னால் அமர்ந்திருந்த அய்யாசாமி தவறி விழுந்து படுகாயம் அடைந்து சம்பவ இடத்திலேயே பரிதாபமாக இறந்தார். இதுகுறித்த புகாரின் பேரில் குமார் மீது தியாகதுருகம் போலீசார் வழக்குப்பதிவு செய்து விசாரணை நடத்தி வருகின்றனர்.