மொபட்டில் இருந்து தவறி விழுந்த முதியவர் சாவு

திருவண்ணாமலை மாவட்டம் வந்தவாசியை அடுத்த பொன்னூர் பள்ளத்தெருவை சேர்ந்தவர் காசி (வயது 70). இவர், தனது மகள் மாலாவை சென்னைக்கு அனுப்புவதற்காக அவரை அழைத்துக்கொண்டு மொபட்டில் வந்தவாசி புதிய பஸ் நிலையத்துக்கு சென்றார். அங்கு பஸ்சில் ஏற்றிவிட்டு காசி வீட்டுக்கு திரும்பினார்.

பொன்னூர்-இளங்காடு சாலையில், பொன்னூர் சுடுகாடு அருகே செல்லும் போது காசி நிலைதடுமாறி மொபட்டில் இருந்து தவறி கீழே விழுந்தார். இதில் படுகாயம் அடைந்தவர் சிகிச்சைக்காக வந்தவாசி அரசு மருத்துவமனையிலும், பின்னர் அங்கிருந்து மேல் சிகிச்சைக்காக செங்கல்பட்டு அரசு மருத்துவமனையிலும் சேர்க்கப்பட்டார். அங்கு அவரை பரிசோதனை செய்த டாக்டர்கள், காசி இறந்துவிட்டதாக தெரிவித்தனர்.

இதுகுறித்த புகாரின் பேரில் பொன்னூர் போலீசார் வழக்குப்பதிந்து விசாரணை நடத்தி வருகின்றனர்.