விண்ணப்பித்தவர்களுக்கு இலவச மாதிரி தேர்வு

குரூப்-1 மற்றும் 2-ம் நிலை காவலர் தேர்வுகளுக்கு விண்ணப்பித்தவர்களுக்கு இலவச மாதிரி தேர்வு நடத்தப்பட உள்ளது.

தேர்வு வாரியம்

ராமநாதபுரம் மாவட்ட கலெக்டர் ஜானிடாம் வர்கீஸ் வெளியிட்டுள்ள அறிக்கையில் கூறி இருப்பதாவது:-

தமிழ்நாடு அரசுப் பணியாளர் தேர்வாணைய ஒருங் கிணைந்த குடிமைப்பணிகள் தேர்வு குரூப்-1 பணி காலியிடங்களுக்கான முதல்நிலை தேர்வு 19.11.22 மற்றும் தமிழ்நாடு சீருடை பணியாளர் தேர்வு வாரியம் 2-ம் நிலை காவலர் தேர்வு 27.11.22-ல் தேர்வு நடைபெற உள்ளது.

இந்த மாவட்டத்தை சேர்ந்த இளைஞர்கள் பயன்பெறும் வகையில் ராமநாதபுரம் மாவட்ட வேலைவாய்ப்பு மற்றும் தொழில்நெறி வழிகாட்டும் மைய தன்னார்வ படிக்கும் வட்டம் மூலமாக இந்த தேர்வுக்காக இலவச 3 முழு மாதிரி தேர்வுகள் நடத்தப்பட உள்ளது.

டி.என்.பி.எஸ்.சி. குரூப்-1 மாதிரி தேர்வு 9.11.22 புதன்கிழமை, 15.11.22 செவ்வாய்கிழமை, 17.11.22 வியாழக்கிழமை ஆகிய நாட்களிலும் தமிழ்நாடு 2-ம் நிலை காவலர் பணியிடத் திற்கான மாதிரி தேர்வு - 18.11.22 வெள்ளிக்கிழமை, 23.11.22 புதன் கிழமை, 24.11.22 வியாழக்கிழமை ஆகிய நாட்களிலும் காலை 10 மணிக்கு நடைபெற உள்ளது.

முன்பதிவு

இந்த மாதிரி தேர்வுகளில் கலந்துகொள்ள விருப்பமும், ஆர்வமும் உள்ளவர்கள் 04567-230160, 9487375737 ஆகிய எண்களில் தொடர்பு கொண்டு முன்பதிவு செய்து கொள்ளுமாறும், மாதிரி தேர்வினை எழுத வரும்போது தேர்வுக்கு விண்ணப்பித்த விவரம், நுழைவுச் சீட்டு நகல் மற்றும் பாஸ்போர்ட் அளவு புகைப்படம் ஆகியவற்றை தவறாது கொண்டு வரவும். ராமநாதபுரம் மாவட்டத்தை சார்ந்த இளைஞர்கள் இந்த வாய்ப்பினை பயன்படுத்தி கொள்ள வேண்டும். இவ்வாறு தெரிவித்துள்ளார்.