தனியார் பஸ் மோதி விவசாயி சாவு

தனியார் பஸ் மோதி விவசாயி பரிதாபமாக இறந்தார்.

விவசாயி

தா.பேட்டை அருகே ஜடமங்கலம் வெள்ளாளர்தெருவில் வசித்து வந்தவர் குணசேகரன் (வயது 65). விவசாயியான இவர் சம்பவத்தன்று தனது மனைவியை மொபட்டில் அழைத்துக்கொண்டு ஜடமங்கலம் அங்கன்வாடி மையத்துக்கு சென்றார். அங்கு அவரை இறக்கிவிட்டு, வாளசிராமணி பகுதியில் உள்ள பெட்ரோல் விற்பனை நிலையத்தில் மொபட்டுக்கு பெட்ரோல் போட்டுவிட்டு வீட்டிற்கு சென்று கொண்டிருந்தார்.

அப்போது வாளசிராமணி - ஜடமங்கலம் செல்லும் சாலையில் மாரியம்மன் கோவில் அருகே எதிரே வந்த தனியார் பஸ் குணசேகரன் மீது மோதியது. இதில் பலத்த காயம் அடைந்த அவர் நாமக்கல் அரசு ஆஸ்பத்திரியில் சேர்க்கப்பட்டு சிகிச்சை பலனின்றி உயிரிழந்தார். இது குறித்து தா.பேட்டை போலீசார் தனியார் பஸ் டிரைவர் ராஜகோபால் மீது வழக்குப்பதிவு செய்து விசாரணை நடத்தி வருகின்றனர்.