மின்னல் தாக்கி விவசாயி பலி

பெரம்பலூர் மாவட்டம், குன்னம் அருகே உள்ள வசிஷ்டபுரம் கிராமத்தை சேர்ந்தவர் துளசி நாதன் (வயது 45). விவசாயி. இந்த நிலையில் நேற்று மாலை வசிஷ்டபுரம் பகுதியில் இடியுடன் கூடிய பலத்த மழை பெய்தது. அப்போது துளசிநாதன், அவரது நண்பர் சிலம்பரசன் ஆகியோர் அவர்களுக்கு சொந்தமான மாட்டை மேய்த்துக் கொண்டிருந்தனர். மாடு மேய்ந்த பகுதியில் எதிர்பாராத விதமாக பலத்த இடியுடன் மின்னல் தாக்கியது. இதில் துளசிநாதன் மீதும், அவரது மாடு மீதும் மின்னல் தாக்கியது. இதில் சம்பவ இடத்திலேயே துளசி நாதன் இறந்தார். அவரது மாடும் ெசத்தது. அதிர்ஷ்டவசமாக சிலம்பரசன் சிறு காயத்துடன் உயிர் தப்பினார். இதுகுறித்து தகவல் அறிந்து வந்த குன்னம் போலீசார் துளசிநாதன் உடலை கைப்பற்றி பிரேத பரிசோதனைக்காக பெரம்பலூர் அரசு மருத்துவமனைக்கு அனுப்பி வைத்தனர். மேலும் குன்னம் போலீசார் வழக்குப்பதிவு செய்து விசாரணை நடத்தி வருகின்றனர். மின்னல் தாக்கி இறந்து போன துளசிநாதனுக்கு கோடீஸ்வரி என்ற மனைவியும், சதீஷ் என்ற மகனும் உள்ளனர்.