விவசாயி தற்கொலை

களக்காடு:

களக்காடு அருகே கடம்போடுவாழ்வு கிராமம் தெற்கு தெருவைச் சேர்ந்தவர் முத்துகிருஷ்ணன் (வயது 60). விவசாயியான இவருக்கு கடந்த 2 ஆண்டுகளுக்கு முன்பு விபத்தில் காலில் காயம் ஏற்பட்டது. கடந்த சில நாட்களுக்கு முன்பு மீண்டும் காலில் அதே இடத்தில் காயம் ஏற்பட்டது. இதனால் மனமுடைந்த முத்துகிருஷ்ணன் விஷம் குடித்து மயங்கி விழுந்து உயிருக்கு போராடினார். உடனே அவருக்கு நாங்குநேரி அரசு ஆஸ்பத்திரியில் முதலுதவி சிகிச்சை அளித்து, மேல் சிகிச்சைக்காக பாளையங்கோட்டை ஐகிரவுண்டு அரசு ஆஸ்பத்திரியில் அனுமதித்தனர். ஆனாலும் சிகிச்சை பலனின்றி பரிதாபமாக இறந்தார். இதுகுறித்து களக்காடு போலீசார் வழக்குப்பதிவு செய்து விசாரணை நடத்தி வருகின்றனர்.