விஷம் குடித்து விவசாயி தற்கொலை

சிவகாசி,

சிவகாசி தாலுகாவில் உள்ள புதுக்கோட்டை கிராமத்தை சேர்ந்தவர் வெள்ளையன் (வயது 45). இவரது மனைவி சீதாலட்சுமி. மதுரை மாவட்டம் பேய்குளம் கிராமத்தில் குடும்பத்துடன் வசித்து வந்த வெள்ளையன் கடந்த சில மாதங்களுக்கு முன்னர் மனைவியுடன் ஏற்பட்ட குடும்ப தகராறு காரணமாக பிரிந்து தனது தாயுடன் வசித்து வந்தார்.

சம்பவத்தன்று வெள்ளையன் தனது தோட்டத்தில் விஷம் குடித்து மயங்கி கிடந்தார். அருகில் இருந்தவர்கள் அவரை மீட்டு விருதுநகர் அரசு ஆஸ்பத்திரியில் சேர்த்தனர். அங்கு சிகிச்சை பலன் அளிக்காமல் அவர் இறந்தார். இது குறித்து அவரது தம்பி பழனிச்சாமி எம்.புதுப்பட்டி போலீசில் புகார் கொடுத்தார்.

அதன்பேரில் போலீசார் வழக்குப்பதிவு செய்து விசாரணை நடத்தி வருகிறார்கள்.