அரூரில் வாகன தணிக்கை:ஒரு மாதத்தில் 60 வாகனங்களுக்கு ரூ.90 ஆயிரம் அபராதம்

அரூர்:

அரூர் மோட்டார் வாகன ஆய்வாளர் குலோத்துங்கன் அரூர் பைபாஸ் சாலை, கோபிநாதம்பட்டி கூட்ரோடு, சாமியாபுரம் கூட்ரோடு, மஞ்சவாடி கணவாய் ஆகிய இடங்களில் கடந்த ஒரு மாதத்தில் 2,703 வாகனங்களை வாகன தணிக்கை செய்துள்ளார். இதில் சரக்கு வாகனத்தில் அதிகளவில் ஆட்கள் ஏற்றி வந்தது, உரிய அனுமதியின்றி அதிக லோடு ஏற்றி வந்த வாகனங்கள், அதிக ஒலி எழுப்பும் வாகனங்கள் உள்ளிட்ட 60 வாகனங்களுக்கு சுமார் ரூ.90 ஆயிரம் அபராதம் விதித்து நடவடிக்கை எடுத்தார். மேலும் முறையான ஆவணம் இல்லாத 31 ஆம்னி பஸ் உள்ளிட்ட வாகனங்கள் பறிமுதல் செய்யப்பட்டுள்ளன என தெரிவிக்கப்பட்டது.