சத்துணவு பணியாளர்கள் ஆர்ப்பாட்டம்

காலை சிற்றுண்டி வழங்கும் திட்டத்தை சத்துணவு பணியாளர்களிடமே வழங்க வேண்டும் என வலியுறுத்தி சத்துணவு பணியாளர்கள் வேதாரண்யம் ஊராட்சி ஒன்றிய அலுவலகம் முன்பு ஆர்ப்பாட்டத்தில் ஈடுபட்டனர். ஆர்ப்பாட்டத்திற்கு சத்துணவு ஊழியர் சங்க நாகை மாவட்ட தலைவர் உஷாராணி தலைமை தாங்கினார். கண்டன ஆர்ப்பாட்டம் நடத்தினர். காலி பணியிடங்களை உடனடியாக நிரப்ப வேண்டும் என்பது உள்ளிட்ட பல்வேறு கோரிக்கைகளை வலியுறுத்தி ஆர்ப்பாட்டத்தில் ஈடுபட்டவர்கள் கோஷங்கள் எழுப்பினர். அதனை தொடர்ந்து கோரிக்கைகளை அடங்கிய மனுவை ஊராட்சி ஒன்றிய ஆணையர்கள் ராஜூ, பாஸ்கர் ஆகியோரிடம் வழங்கினர். முன்னதாக சங்க கொடியினை முன்னாள் வட்ட தலைவர் ராமமூர்த்தி ஏற்றி வைத்தார். இதில் சத்துணவு ஊழியர் சங்க வட்ட தலைவர் செல்வராணி, செயலாளர் செந்தமிழ்செல்வி, பொருளாளர் உஷா உள்ளிட்ட சத்துணவு பணியாளர்கள் கலந்துகொண்டனர்.