அரசு பள்ளி மாணவ-மாணவிகளுக்கு நீட் தேர்வு பயிற்சி

நாடு முழுவதும் டாக்டர் படிப்புக்கான இடங்களை நிரப்புவதற்காக நீட் தேர்வு நடத்தப்பட்டு வருகிறது. இதற்காக பள்ளிக்கல்வித்துறை சார்பில் அரசு பள்ளிக்கூட மாணவ- மாணவிகளுக்கு நீட் தேர்வுக்கான இலவச பயிற்சி வகுப்பு நடத்தப்பட்டு வருகிறது. சனி மற்றும் ஞாயிற்றுக்கிழமைகளில் இந்த சிறப்பு வகுப்பு நடத்தப்படும். இதில் பிளஸ்-1, பிளஸ்-2 படிக்கும் மாணவ-மாணவிகள் பங்கேற்று வருகிறார்கள்.

இந்தநிலையில் அரையாண்டு விடுமுறை விடப்பட்டு உள்ளதால் ஈரோடு அரசு மகளிர் மேல்நிலை பள்ளிக்கூடத்தில் 4 நாட்கள் நீட் தேர்வு பயிற்சி நடத்தப்பட்டு வருகிறது.