சரக்குவேன்-மோட்டார் சைக்கிள் மோதல்; விவசாயி பலி

காரையூர் அருகே கங்காணிப்பட்டி கிராமத்தை சேர்ந்தவர் காடன் மகன் சுப்பிரமணியன் (வயது 45). விவசாயி. இவர் நகரப்பட்டி-மரவாமதுரை சாலையில் மோட்டார் சைக்கிளில் சென்று கொண்டிருந்தார். பெரிய கண்மாய் அருகே வந்த போது, காரையூர் தங்கவேலு மகன் கணேசன் (18) என்பவர் ஓட்டி வந்த சரக்கு வேனும், சுப்பிரமணியன் ஓட்டி வந்த மோட்டார் சைக்கிளும் நேருக்கு நேர் மோதியது. இதில் படுகாயமடைந்த சுப்பிரமணியனை அருகில் உள்ளவர்கள் மீட்டு சிகிச்சைக்காக மணப்பாறை அரசு மருத்துவமனைக்கு அனுப்பி வைத்தனர். அங்கு சிகிச்சை பெற்று வந்த சுப்பிரமணியன் சிகிச்சை பலனின்றி பரிதாபமாக உயிரிழந்தார். இதுகுறித்து காரையூர் போலீஸ் சப்-இன்ஸ்பெக்டர் மதியழகன் வழக்குப்பதிவு செய்து விசாரணை நடத்தி வருகிறார்.