கஞ்சா விற்றவர் கைது

சிங்கம்புணரி அருகே கோட்டைவேங்கைபட்டி பகுதியில் கஞ்சா விற்பனை செய்யப்படுவதாக போலீசாருக்கு தகவல் கிடைத்தது. அதன்பேரில் போலீசார் அங்கு ரோந்து சென்றனர். அப்போது சந்தேகத்துக்கு இடமான முறையில் நின்றவரை பிடித்து சோதனையிட்டனர். அதில் அவரிடம் கஞ்சா இருந்தது தெரியவந்தது. விசாரணையில் அவர் மதுரை மாவட்டம் மேலூர் அருகே உள்ள கொடுக்கப்பட்டியை சேர்ந்த பாண்டி (வயது 50) என்பதும், கஞ்சா விற்பனை செய்ததும் தெரியவந்தது. இதையடுத்து அவரை ேபாலீசார் கைது செய்தனர். அவரிடம் இருந்து அரை கிலோ கஞ்சா மற்றும் ரூ.89 ஆயிரத்து 500 பறிமுதல் செய்யப்பட்டது.