மோட்டார் சைக்கிள் மீது அரசு பஸ் மோதல்; விவசாயி பலி

கறம்பக்குடி அருகே உள்ள கருப்பட்டிபட்டி கிராமத்தை சேர்ந்தவர் கணேசன் (வயது 80), விவசாயி. இவர் நேற்று இரவு மழையூரில் இருந்து கருப்பட்டிபட்டிக்கு மோட்டார் சைக்கிளில் சென்று கொண்டிருந்தார். மழையூர் அதிரான்விடுதி சாலையில் உள்ள தருமர் கோவில் அருகே சென்றபோது எதிரே வந்த அரசு பஸ் முதியவர் கணேசன் ஓட்டி சென்ற மோட்டார் சைக்கிள் மீது மோதியது. இதில் தூக்கி வீசப்பட்ட அவர் சம்பவ இடத்திலேயே பரிதாபமாக இறந்தார். இதுகுறித்து தகவல் அறிந்த மழையூர் போலீசார் சம்பவ இடத்திற்கு விரைந்து சென்று கணேசனின் உடலை மீட்டு பிரேத பரிசோதனைக்காக புதுக்கோட்டை அரசு மருத்துவக்கல்லூரி மருத்துவமனைக்கு அனுப்பி வைத்தனர். மேலும் இது குறித்து மழையூர் சப்-இன்ஸ்பெக்டர் தமிழ்ச்செல்வன் வழக்குப்பதிவு செய்து விசாரணை நடத்தி வருகிறார்.