அரசு தொழில்நுட்ப கல்லூரியில் பட்டமளிப்பு விழா

கோவை

கோவை அரசு தொழில்நுட்ப கல்லூரியில் (ஜி.சி.டி.) 16-வது பட்டமளிப்பு விழா நேற்று காலை நடைபெற்றது. இதில் கோவை வருவாய் புலனாய்வுத் துறை இயக்குனரக துணை இயக்குனர் எஸ்.சதீஷ்குமார் கலந்துகொண்டு மாணவ- மாணவிகளுக்கு பட்டம் வழங்கினார்.

மாலையில் நடைபெற்ற 17-வது பட்டமளிப்பு விழாவில் பெங்களூருவில் உள்ள தனியார் நிறுவன அதிகாரி பாஸ்கர சுப்பிரமணியன் கலந்துகொண்டு பட்டம் வழங்கினார்.

அவர் பேசும் போது நாட்டில் தொழில்முனைவோர் தேவை அதிகமாக உள்ளது. எனவே என்ஜினீயர்கள் வேலை தேடுவதை விட தொழில் முனைவோர்களாக திறமைகளை வளர்த்துக்கொள்ள வேண்டும்" என்றார்.

விழாவில் மொத்தம் 916 மாணவ- மாணவிகளுக்கு பட்டம் வழங்கப்பட்டது. இதில் கல்லூரி முதல்வர் மனோன்மணி, பேராசிரியர்கள், மாணவ- மாணவிகள் உள்பட பலர் கலந்து கொண்டனர்.