அந்தியூர் ஒழுங்குமுறை விற்பனைக்கூடத்தில் ரூ.2½ லட்சத்துக்கு நிலக்கடலை ஏலம்

அந்தியூர்

அந்தியூர் ஒழுங்குமுறை விற்பனைக்கூடத்தில் நிலக்கடலை ஏலம் நடைபெற்றது. இதற்கு அந்தியூர், ஒலகடம், வெள்ளித்திருப்பூர், எண்ணமங்கலம், சென்னம்பட்டி உள்பட பல்வேறு பகுதிகளில் இருந்து நிலக்கடலை (காய்ந்தது) 96 மூட்டைகள் கொண்டு வரப்பட்டன.

இது (குவிண்டால்) குறைந்தபட்ச விலையாக ரூ.7 ஆயிரத்து 10-க்கும், அதிகபட்சமாக ரூ.8 ஆயிரத்து 202-க்கும் என மொத்தம் ரூ.2 லட்சத்து 51 ஆயிரத்து 99-க்கு விற்பனை செய்யப்பட்டன. ஈரோடு, திருப்பூர், மேட்டுப்பாளையம், கோவை, தர்மபுரி ஆகிய பகுதிகளில் இருந்து வந்த வியாபாரிகள் நிலக்கடலையை ஏலம் எடுத்து சென்றனர்.