பேட்டி

கடலூர், விழுப்புரம், கள்ளக்குறிச்சி மாவட்ட சிட்பண்ட் சங்க தலைவர் சீனுவாசன் கடலூரில் நிருபர்களுக்கு பேட்டி அளித்தார். அப்போது அவர் கூறியதாவது:-

ஏலச்சீட்டுகள் பாரம்பரியமிக்கது. இந்த தொழில் அழிந்துவிடாமல் பாதுகாக்க வேண்டியது மத்திய அரசின் கடமையாகும். ஏலச்சீட்டை அரசின் அனுமதி பெற்று தான் நடத்தி வருகிறோம். இந்தியாவில் மொத்தம் 20 ஆயிரம் சீட்டு நிதி நிறுவனங்களும், தமிழ்நாட்டில் 2,600-க்கும் மேற்பட்ட நிறுவனங்களும் உள்ளது. மக்களிடம் சேமிப்பு பழக்கத்தை உருவாக்கி வரும் எங்களுக்கு 12 சதவீதம் ஜி.எஸ்.டி. விதிக்கப்பட்டுள்ளது. அப்போது முதல் எங்கள் தொழில் வளர்ச்சி குறைய ஆரம்பித்து விட்டது.

கஷ்டத்தில் ஆழ்த்தி...

ஆனால் நாங்கள் 5 சதவீதம் ஜி.எஸ்.டி.யை குறைக்க வேண்டும் என்று மத்திய அரசிடம் பல முறை வலியுறுத்தி வந்தோம். ஆனால் வரியை குறைக்காமல் கூடுதலாக 5 சதவீதம் உயர்த்தி 18 சதவீதமாக உயர்த்தப்பட்டுள்ளது. இது எங்களை மிக பெரிய கஷ்டத்தில் ஆழ்த்தி உள்ளது. ஆகவே எங்களுக்கு முழுமையாக ஜி.எஸ்.டி.யை ரத்து செய்ய வேண்டும் அல்லது 5 சதவீதம் மட்டும் ஜி.எஸ்.டி. விதிக்க வேண்டும். இவ்வாறு அவர் கூறினார்.

பேட்டியின் போது நிர்வாகிகள், தாமோதரன், சண்முகம், பாலச்சந்திரன், பிரகாஷ், தெய்வசிகாமணி மற்றும் பலர் உடனிருந்தனர்.