ராஜாக்கமங்கலம் அருகே தூக்குப்போட்டு டிரைவர் தற்கொலை

ராஜாக்கமங்கலம்:

ராஜாக்கமங்கலம் அருகே எறும்புக்காடு பகுதியை சேர்ந்தவர் வரதராஜன் (வயது 32). இவர் சொந்தமாக டெம்போ ஓட்டி வந்தார்.

இந்தநிலையில் கடந்த சில நாட்களுக்கு முன்பு அவர் டெம்போவை விற்று விட்டதாக தெரிகிறது. இது சம்பந்தமாக வரதராஜனுக்கும், அவருடைய மனைவிக்கும் தகராறு ஏற்பட்டுள்ளது.

இதனால் மனமுடைந்த வரதராஜன் வீட்டில் உள்ள ஒரு அறையில் தூக்குப்போட்டு தற்கொலை செய்து கொண்டார். மேலும் இதுகுறித்த புகாரின் பேரில் ராஜாக்கமங்கலம் போலீசார் வழக்குப்பதிவு செய்து விசாரணை நடத்தி வருகின்றனர். வரதராஜனின் மனைவி நிறை மாத கர்ப்பிணியாக உள்ளார் என்பது குறிப்பிடத்தக்கது.