வாலிபரிடம் பணம் பறிக்க முயன்றவர் கைது

குளித்தலை வைகைப்புதூரை சேர்ந்தவர் சந்துரு (வயது 33). இவர் கரூர் மக்கள் பாதை பகுதியில் நடந்து சென்று கொண்டிருந்தார். அப்போது மாவடியான் கோவில் தெருவை சேர்ந்த வினோத்குமார் (24) என்பவர் சந்துருவை வழிமறித்து கத்தியை காட்டி மிரட்டி அவரிடம் இருந்த பணத்தை பறிக்க முயன்றார். அப்போது சந்துரு சத்தம் போட்டதால் அருகில் இருந்தவர்கள் ஓடி வந்து, வினோத்குமாரை பிடித்து கரூர் டவுன் போலீஸ் நிலையத்தில் ஒப்படைத்தனர். இதுகுறித்த புகாரின்பேரில், போலீசார் வழக்குப்பதிந்து வினோத்குமாரை கைது செய்து விசாரணை நடத்தி வருகின்றனர்.