மூதாட்டி வீட்டில் நகை திருடிய கணவன்-மனைவி கைது

சத்தியமங்கலம்

சத்தியமங்கலம் அருகே உள்ள அரியப்பம்பாளையத்தில் குடியிருந்து வருபவர் ராஜம்மாள் (வயது 73). இந்த நிலையில் இவர் வீட்டில் பிளாஸ்டிக் டப்பாவில் வைத்திருந்த 4¾ பவுன் நகைகளை கடந்த மாதம் காணவில்லை. யாரோ வீடு புகுந்து திருடிச்சென்றது தெரியவந்தது. இதுகுறித்து ராஜம்மாள் சத்தியமங்கலம் போலீஸ் நிலையத்தில் புகார் அளித்தார். அதன்பேரில் போலீசார் விசாரணை நடத்தி வந்தார்கள்.

விசாரணையில் ராஜம்மாளின் பக்கத்து வீட்டில் வசித்து வரும் விருதுநகரை சேர்ந்த குமாரசாமி. அவருடைய மனைவி முருகேஸ்வரி ஆகியோர் வீடு புகுந்து நகையை திருடிச்சென்றது தெரியவந்தது. இதுகுறித்து போலீசார் வழக்குப்பதிவு செய்து விசாரணை நடத்தி குமாரசாமியையும், முருகேஸ்வரியையும் கைது செய்தனர். மேலும் அவர்களிடம் இருந்து திருடப்பட்ட நகை மீட்கப்பட்டது.