போடியில் பலத்த மழை

போடியில் கடந்த சில நாட்களாக மாலை, இரவு நேரங்களில் மழை பெய்து வருகிறது. இந்தநிலையில் நேற்று பகலில் கடும் வெயில் சுட்டெரித்த நிலையில், இரவு 7.30 மணி அளவில் பலத்த காற்றுடன் மழை பெய்ய தொடங்கியது. சிறிது நேரத்தில் இடி-மின்னலுடன் பலத்த மழையாக மாறியது. சுமார் 1 மணி நேரம் பெய்த மழையால் சாலையில் மழைநீர் வெள்ளமென பெருக்கெடுத்து ஓடியது.

தாழ்வான பகுதிகளில் மழைநீர் குளம்போல் தேங்கியது. மேலும் பலத்த காற்று வீசியதால் போடியில் 1 மணி நேரம் மின்சாரம் துண்டிக்கப்பட்டது. இதனால் பொதுமக்கள் அவதியடைந்தனர். இருப்பினும் மழையால் வெப்பம் தணிந்து குளிர்ச்சியான சூழல் நிலவியதால் பொதுமக்கள் மகிழ்ச்சி அடைந்தனர்.