கொடைரோடு, அம்மையநாயக்கனூர் ஆகிய பகுதிகளில் வானம் மேகமூட்டத்துடன் காணப்பட்டது. இதைத்தொடர்ந்து மாலை 3.45 மணி முதல் 4.15 மணி வரை பலத்த மழை கொட்டி தீர்த்தது. மழையுடன் வீசிய பலத்த காற்றால் கொடைரோடு-உச்சனம்பட்டி செல்லும் சாலையில் அம்மாபட்டியில் ஒரு மின்சார கம்பம் திடீரென்று சாய்ந்தது. இதுகுறித்து மின்வாரிய அதிகாரிகளுக்கு பொதுமக்கள் தகவல் கொடுத்தனர். உடனே மின்வாரிய ஊழியர்கள் விரைந்து சீரமைப்பு பணி மேற்கொண்டனர். இதனால் அந்த பகுதியில் மின்தடை ஏற்பட்டது. பின்னர் மின்வினியோகம் வழங்கப்பட்டது.