செஞ்சியில் 2-வது நாளாக பலத்த மழை

செஞ்சி

தற்போது கோடை வெயில் வாட்டி வதைத்து வருகிறது. செஞ்சி பகுதியில் வெயிலின் தாக்கத்தால் அனல் காற்று வீசியது. வெயில் கொடுமையை தாங்க முடியாமல் மக்கள் அவதிப்பட்டு வந்தனர். இந்த நிலையில் நேற்று முன்தினம் மதியம் திடீரென பலத்த மழை பெய்தது. தொடர்ந்து நேற்று காலையில் வெயில் சுட்டெரித்தது. பின்னர் மதியம் பலத்த மழை பெய்தது. இதனால் சாலைகளில் பெருக்கெடுத்து ஓடிய மழைநீர் தாழ்வான பகுதிகளில் குளம்போல தேங்கியது. இதனால் பூமி குளிர்ந்து வெப்பம் தணிந்ததால் பொதுமக்கள் மகிழச்சி அடைந்தனர்.