உயர்கல்வி வேலைவாய்ப்பு வழிகாட்டி முகாம்

தென்காசி மாவட்ட கலெக்டர் அலுவலக கூட்ட அரங்கில் தமிழக முதல்-அமைச்சர் உத்தரவின்படி, `நான் முதல்வன்' திட்டத்தின் கீழ் உயர்கல்வி வேலைவாய்ப்பு வழிகாட்டி முகாம் நேற்று நடைபெற்றது. இந்த முகாமிற்கு மாவட்ட கலெக்டர் ஆகாஷ் தலைமை தாங்கினார். மாவட்ட முதன்மை கல்வி அலுவலர் கபீர் முன்னிலை வகித்தார். முகாமில் பள்ளிக்கல்வியினை நிறைவு செய்த மாணவர்கள் மற்றும் உயர் கல்வி செல்ல முடியாத மாணவர்கள் உள்பட சுமார் 150 பேர் கலந்து கொண்டனர். மாணவர்களுக்கு உயர்கல்வி மற்றும் வேலைவாய்ப்பு குறித்த அறிவுரைகளை கலெக்டர் ஆகாஷ் வழங்கினார். மேலும் அவர் கூறும் போது, நன்றாக படிக்கும் மாணவர்கள் உயர்கல்வி பெறுவதற்கான நிதி உதவி அரசு திட்டங்கள் மூலம் பெற்று தருவதற்கு ஏற்பாடு செய்யப்படும், என்று கூறினார்.