வீடு புகுந்து நகை, பணம் திருட்டு

மதுரை,

மதுரை வடக்குமாசி வீதியை சேர்ந்தவர் விஜயலட்சுமி (வயது 65). சம்பவத்தன்று இவர் வீட்டை பூட்டி விட்டு வெளியூர் சென்று விட்டார். திரும்பி வந்த போது வீட்டின் கதவு உடைக்கப்பட்டிருந்தது. மேலும் அவர் உள்ளே சென்று பார்த்த போது பீரோவில் வைத்திருந்த 1¼ பவுன் தங்க நகைகள், ரூ.20 ஆயிரம் திருடு போனது கண்டு அதிர்ச்சி அடைந்தார். பின்னர் அவர் விளக்குத்தூண் போலீசில் புகார் அளித்தார். அந்த புகாரின் பேரில் போலீசார் வழக்குப்பதிவு செய்து விசாரணை நடத்தி வருகிறார்கள்.