இல்லம்தேடி கல்வி திட்ட மாணவர்கள் சாதனை

கொள்ளிடம்

மயிலாடுதுறை மாவட்டம், கொள்ளிடம் அருகே உள்ள அளக்குடி ஊராட்சியை சேர்ந்த காவல்மானியம், காடுவெட்டி, சேத்திருப்பு ஆகிய கிராமங்களில் இல்லம் தேடி கல்வி மையங்கள் செயல்பட்டு வருகின்றன. இந்த 3 மையங்களும் சேத்திருப்பு நடுநிலைப்பள்ளியின் தலைமையாசிரியர் பாலு கட்டுப்பாட்டின்கீழ் செயல்பட்டு வருகின்றன. இதன் தன்னார்வலர்களாக வர்ஷா, ஷர்மிலி, கிருத்திகா ஆகியோர் உள்ளனர். இந்த மையங்களின் மாணவ-மாணவிகள், தற்போது நடைபெற்று வரும் `ரீடிங் மாரத்தான்' என்ற நிகழ்ச்சியில் மாவட்டத்திலேயே காவல்மானியம் மையம் 2 லட்சத்து 50 ஆயிரம் நட்சத்திர மதிப்பெண்களும், காடுவெட்டி மையம் 4 லட்சத்து 50 ஆயிரம் நட்சத்திர மதிப்பெண்களும், சேத்திருப்பு மையம் 3 லட்சம் நட்சத்திர மதிப்பெண்களும் பெற்று சாதனை படைத்துள்ளனர். மாவட்ட அளவில் தொடர்ந்து சாதனை படைத்து வரும் இந்த மையங்களின் பொறுப்பாளர்களை கொள்ளிடம் வட்டார கல்வி அலுவலர்கள் சீனிவாசன், சரஸ்வதி, வட்டார வள மைய மேற்பார்வையாளர் புகழேந்தி மற்றும் பெற்றோர்கள், ஆசிரியர்கள் பாராட்டினர்.