மோட்டார்சைக்கிள் மீது லாரி மோதி கணவன்- மனைவி பலி

ஆஸ்பத்திரிக்கு

திருவண்ணாமலை மாவட்டம் ஆரணி தாலுகா மாமண்டூர் கிராமத்தை சேர்ந்தவர் பிரகாஷ். இவர் மாம்பாக்கத்தை அடுத்த பணியூர் கூட்ரோடு பகுதியில் கைத்தறி வேலை செய்து வந்தார். நேற்று முன்தினம் இரவு பிரகாஷ், தனது மனைவி மேகலாவுடன் மாம்பாக்கம் அருகே உள்ள ஆரம்ப சுகாதார நிலையத்துக்கு சென்றார்.

அப்போது ஆரணியில் இருந்து செய்யார் நோக்கி செங்கல் பாரம் ஏற்றிய லாரி சென்றது. இந்த லாரி மோட்டார்சைக்கிள் மீது மோதியது. இதில் பிரகாஷ், மேகலா ஆகிய இருவரும் தூக்கி வீசப்பட்டனர்.

கணவன்- மனைவி பலி

படுகாயமடைந்த இருவரும் சம்பவ இடத்திலேயே உயிரிழந்தனர். இதுபற்றி தகவல் அறிந்ததும் வாழைப்பந்தல் போலீஸ் சப்-இன்ஸ்பெக்டர் ரமேஷ் மற்றும் போலீசார் சென்று இறந்தவர்களின் உடல்களை மீட்டு பிரேத பரிசோதனைக்காக செய்யார் அரசு மருத்துவமனைக்கு அனுப்பி வைத்தனர்.

மேலும் இதுகுறித்து போலீசார் வழக்குப் பதிவுசெய்து தப்பி ஓடிய லாரி டிரைவரை தேடி வருகின்றனர். விபத்தில் இறந்த பிரகாஷுக்கு இரண்டு மகள்கள், ஒரு மகன் உள்ளனர்.