திருக்கோவிலூர் நீதிமன்ற வளாகத்தில்ரகளையில் ஈடுபட்டவர் கைது

திருக்கோவிலூர்,

திருக்கோவிலூர் சந்தைப்பேட்டை நீதிமன்ற வளாகத்தில் பொதுமக்கள் காத்திருப்பு கூடத்தில் 45 வயது மதிக்கத்தக்க ஆண் ஒருவர் குடிபோதையில் பொதுமக்களிடம் தகராறு செய்ததோடு, அங்கு ரகளையில் ஈடுபட்டார். இதைபார்த்து அதிர்ச்சியடைந்த நீதிமன்ற ஊழியர்கள், இதுபற்றி திருக்கோவிலூர் போலீஸ் நிலையத்துக்கு தகவல் தெரிவித்தனர். அதன்பேரில் போலீஸ் சப்-இன்ஸ்பெக்டர் ராஜசேகரன் தலைமையிலான போலீசார் சம்பவ இடத்துக்கு விரைந்து வந்து ரகளையில் ஈடுபட்ட நபரை பிடித்து விசாரணை நடத்தினர். விசாரணையில், அவர் மணலூர்பேட்டை அடுத்த செம்படை கிராமத்தை சேர்ந்த இளையராஜா(வயது 45) என்பதும், குடிபோதையில் ரகளையில் ஈடுபட்டதும் தெரியவந்தது. இதையடுத்து இளையராஜாவை போலீசார் கைது செய்தனர்.