அந்தியூரில் ரூ.5¼ லட்சத்துக்கு வாழைத்தார் விற்பனை

அந்தியூர்

அந்தியூர் புதுப்பாளையம் வேளாண்மை உற்பத்தியாளர் கூட்டுறவு சங்கத்தில் வாழைத்தார் ஏலம் நடைபெற்றது. அந்தியூர், அத்தாணி, ஆப்பக்கூடல், எண்ணமங்கலம், கோவிலூர், வெள்ளித்திருப்பூர், சென்னம்பட்டி பகுதி விவசாயிகள் 2.360 தார்களை விற்பனைக்கு கொண்டு வந்திருந்தனர். இதில் கதலி கிலோ ரூ.45-க்கும், நேந்திரம் ரூ.20-க்கும், செவ்வாழை ஒரு தார் ரூ.650-க்கும், பூவன் ரூ.720-க்கும், ரஸ்தாலி ரூ.650-க்கும், மொந்தன் ரூ.300-க்கும், தேன்வாழை ரூ.420-க்கும், ரொப்பஸ்டா ரூ.340-க்கும் ஏலம் போனது. மொத்தம் ரூ.5 லட்சத்து 29 ஆயிரத்து 100-க்கு விற்பனையானது. ஈரோடு, பெருந்துறை, பொள்ளாச்சி, சத்தியமங்கலம், திருப்பூர் மற்றும் கேரள, கர்நாடக மாநில வியாபாரிகள் வாழைத்தார்களை ஏலம் கூறி வாங்கிச்சென்றனர்.