மாவட்ட அளவிலான ஆக்கி போட்டியில்காஜாமியான் பள்ளி சாம்பியன்

தேசிய விளையாட்டு தினத்தையொட்டி எஸ்.டி.ஏ.டி.யும், ஆக்கி திருச்சி சங்கமும் இணைந்து மாவட்ட அளவிலான ஆக்கி போட்டியை திருச்சி அண்ணா ஸ்டேடியத்தில் நேற்று நடத்தியது. இதில் 5 அணிகள் கலந்து கொண்டு விளையாடின. இதன் இறுதி போட்டியில் காஜாமியான் பள்ளியும், ஆர்.சி. பள்ளியும் பலப்பரீட்சை நடத்தின. தொடக்கம் முதலே ஆதிக்கம் செலுத்தி விளையாடிய காஜாமியான் பள்ளி இதில் 4-0 என்ற கோல் கணக்கில் வெற்றி பெற்று சாம்பியன் பட்டத்தை வென்றது. பின்னர் நடந்த பரிசளிப்பு விழாவில் மத்திய கலால்வரித்துறை சூப்பிரண்டு கருணாகரன், ஆக்கி திருச்சி சங்கத்தின் செயலாளர் சுப்பிரமணியன் ஆகியோர் வெற்றி பெற்ற அணிக்கு கோப்பை மற்றும் பதக்கங்களை வழங்கினர்.