கோபி கூட்டுறவு சங்கத்தில் ரூ.11¾ லட்சத்துக்கு வாழைத்தார் ஏலம்

கடத்தூர்

கோபி வேளாண்மை உற்பத்தியாளர்கள் கூட்டுறவு விற்பனைச் சங்கத்தில் வாழைத்தார் ஏலம் நடந்தது. இதற்கு 6 ஆயிரத்து 720 வாழைத்தார்களை விவசாயிகள் கொண்டு வந்திருந்தனர்.

கதலி (கிலோ) ரூ.65-க்கும், நேந்திரன் ரூ.38-க்கும் ஏலம் போனது. பூவன் (தார்) ரூ.460-க்கும், தேன்வாழை ரூ.670-க்கும், செவ்வாழை ரூ.900-க்கும், ரஸ்தாளி ரூ.630-க்கும், மொந்தன் ரூ.310-க்கும், பச்சை நாடன் ரூ.430-க்கும் விற்பனையானது. மொத்தம் ரூ.11லட்சத்து 81 ஆயிரத்துக்கு வாழைத்தார் ஏலம் போனது.

மேலும் தேங்காய் ஏலம் நடந்தது. இதற்கு 7 ஆயிரத்து 750 தேங்காய்கள் கொண்டு வரப்பட்டன. இதில் தேங்காய் ஒன்று ரூ.7 முதல் ரூ.13.30 வரை என மொத்தம் ரூ.84 ஆயிரத்துக்கு தேங்காய் விற்பனையானது.