கோபி கூட்டுறவு சங்கத்தில்ரூ.5¼ லட்சத்துக்கு வாழைத்தார்கள் ஏலம்

கடத்தூர்

கோபி வேளாண்மை உற்பத்தியாளர்கள் கூட்டுறவு விற்பனை சங்கத்தில் வாழைத்தார்கள் ஏலம் நடந்தது. இதற்கு 4 ஆயிரத்து 890 வாழைத்தார்கள் கொண்டு வரப்பட்டன. இதில் கதலி (கிலோ) ரூ.23-க்கும், நேந்திரன் ரூ.30-க்கும் ஏலம் போனது. பூவன் (தார்) ரூ.400-க்கும், தேன்வாழை ரூ.390-க்கும், பச்சை நாடன் ரூ.310-க்கும், செவ்வாழை ரூ.680-க்கும், ரொபஸ்டா ரூ.290-க்கும், மொந்தன் ரூ.230-க்கும், ரஸ்தாளி ரூ450-க்கும் விற்பனையானது. மொத்தம் ரூ.5 லட்சத்து 13 ஆயிரத்துக்கு வாழைத்தார்கள் விற்பனை செய்யப்பட்டது.

இதேபோல் தேங்காய் ஏலம் நடந்தது. இதற்கு மொத்தம் 7 ஆயிரத்து 370 தேங்காய்கள் கொண்டு வரப்பட்டன. இது ரூ.8 முதல் ரூ.13.20 வரை விற்பனையானது. மொத்தம் ரூ.78 ஆயிரத்து 500-க்கு தேங்காய் விற்பனை செய்யப்பட்டது.