பாலிடெக்னிக் கல்லூரியில் வளாக தேர்வு

பாவூர்சத்திரம்:

பாவூர்சத்திரம் எம்.எஸ்.பி.வேலாயுத நாடார் லெட்சுமிதாயம்மாள் பாலிடெக்னிக் கல்லூரியில் சிவில் என்ஜினீயரிங், எலக்ட்ரிக்கல் என்ஜினீயரிங் மற்றும் மெக்கானிக்கல் என்ஜினீயரிங் இறுதி ஆண்டு பயிலும் மாணவர்களுக்கு வேலைவாய்ப்புக்கான நேர்முக தேர்வு நடைபெற்றது.

எம்.டி.எஸ் - ரீபார் நிறுவனத்தின் தலைமை நிர்வாக அதிகாரி எழில், ஐ.டி. மேலாளர் ஜான் சுந்தர் மற்றும் மேலாளர் ரெக்ஸ் லூர்துராஜ் ஆகியோர் மாணவர்களை தேர்வு செய்தனர். நேர்முக தேர்வில் 70 மாணவர்கள் கலந்து கொண்டனர். இதில் தேர்வான 2 மாணவர்களுக்கு உடனடியாக பணி நியமன ஆணை வழங்கப்பட்டது.

தேர்வு பெற்ற மாணவர்களை கல்லூரி தாளாளர் எம்.எஸ்.பி.வி.காளியப்பன், ஆலோசகர் பாலசுப்பிரமணியன், முதல்வர் ரமேஷ், அனைத்து துறைத்தலைவர்கள், வேலைவாய்ப்பு அலுவலர்கள் மற்றும் ஆசிரியர்கள் பாராட்டினர். இதற்கான ஏற்பாடுகளை கல்லூரியின் வேலைவாய்ப்பு அலுவலர் மணிராஜ் மற்றும் அனைத்து துறைத்தலைவர்களும் செய்திருந்தனர்.