பவானிசாகர்

கீழ்பவானி வாய்க்காலில் தண்ணீர் திறப்பு வினாடிக்கு 1,350 கன அடியாக அதிகரிக்கப்பட்டது.

கீழ்பவானி வாய்க்கால்

ஈரோடு மாவட்டத்தின் முக்கிய அணையாக பவானிசாகர் அணை உள்ளது. இந்த அணையில் இருந்து கடந்த 15-ந் தேதி தண்ணீர் திறக்கப்பட்டது. வாய்க்காலில் சீரமைப்பு பணிகள் முடிவடையாததால் திறக்கப்பட்ட சில மணி நேரத்திலேயே தண்ணீர் திறப்பது நிறுத்தப்பட்டது இதையடுத்து சீரமைப்பு பணிகள் நடைபெற்றன. சீரமைப்பு பணிகள் முடிந்ததை தொடர்ந்து பவானிசாகர் அணையில் இருந்து கீழ்பவானி வாய்க்காலில் மீண்டும் கடந்த 19-ந் தேதி தண்ணீர் திறக்கப்பட்டது. அப்போது வினாடிக்கு 200 கன அடியாக திறக்கப்பட்டது.

அதிகரிப்பு

இது படிப்படியாக அதிகாித்து நேற்று முன்தினம் இரவு 8 மணி அளவில் வினாடிக்கு 1,000 கன அடி தண்ணீர் திறக்கப்பட்டது.

இந்த நிலையில் நேற்று மாலை 6 மணி அளவில் வாய்க்காலில் திறக்கப்படும் தண்ணீர் வினாடிக்கு 1,350 கன அடியாக அதிகரிக்கப்பட்டது. அப்போது அணைக்கு வினாடிக்கு 467 கன அடி தண்ணீர் வந்தது. அணையில் இருந்து ஆற்றுக்கு வினாடிக்கு 950 கன அடி தண்ணீர் திறக்கப்பட்டது.