தொழுநோய் கண்டறியும் பணி தீவிரம்

தமிழக அரசின் மக்கள் நல்வாழ்வுத் துறையின் சார்பாக தேசிய தொழுநோய் ஒழிப்புத் திட்டத்தின் கீழ் ராணிப்பேட்டை மாவட்டத்தில் வீடு வீடாகச் சென்று தொழுநோய் கண்டறியும் பணி கடந்த 17-ந் தேதி தொடங்கியது. வருகிற 2-ந் தேதி வரை இந்த பணி நடைபெறுகிறது. இப்பணியில் இதுவரை 1 லட்சத்து 14 ஆயிரத்து 157 நபர்களை பரிசோதித்துள்ளனர்.

அவர்களில் ஒருவருக்கு நோய் பாதிப்பு இருப்பது கண்டறியப்பட்டுள்ளது. மேலும் கலெக்டரின் அறிவுறுத்தலின் பேரில், அனைத்து அரசு மற்றும் தனியார் பள்ளி மாணவ -மாணவிகளையும் பரிசோதிக்க திட்டமிடப்பட்டுள்ளது. தொழு நோயின் ஆரம்ப அறிகுறிகளான உணர்ச்சியற்ற, வெளிர்ந்த, சிவந்த தேமல், நரம்புகள் தடித்திருத்தல் போன்ற அறிகுறிகள் ஏதேனும் இருந்தால் அருகில் உள்ள அரசு மருத்துவமனை, ஆரம்ப சுகாதார நிலையங்களை பொதுமக்கள் அணுகலாம் என கலெக்டர் வளர்மதி தெரிவித்துள்ளார்.